Быел беренче карны кайчан көтәргә?
Татарстанның Чүпрәле районында карлы боз яуды инде.
Сентябрьдә кискен суытса да, иртә карны көтәргә кирәкми. Көз кисәк салкынаюдан башланды, ләкин кар иртә явар дип борчылырга кирәкми, дигән КФУ профессоры, география фәннәре докторы Юрий Переведенцев.
Метеоролог ел саен була торган уртача күрсәткечләргә йөз тотарга өнди. Аның буенча кар уртача тәүлек температурасы нульгә кадәр түбәнәйгәч төшә башлый. Мондый күрсәткечләр гадәттә октябрь ахырында күзәтелә. Быел бернинди үзгәрешләр дә көтелми.
"Казанда уртача һава температурасының ноль градуслар аша күчүе гадәттә октябрь ахырында – ноябрь башында була, шул вакытта беренче кар катламы барлыкка килә", – дигән метеоролог.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев