Быел Республика ифтарына чакыру билетлары кулга бирелмәячәк

"Чакыру билетлары кесә телефоннарында электрон рәвештә булачак, яки шул билетларны үзләре чыгарып, шул кәгазь белән килә алачаклар", - диде  Илфар хәзрәт ифтарга багышланган брифингта.

"Ифтарга ашау-эчү өчен җыелмыйбыз, рухи азык өчен киләбез. Кешене ризык белән шаккатырып булмый хәзер. Базарларда әти белән әнине генә сатып булмый, бүтән бөтен нәрсә бар", - диде.

Республика ифтарында, шулай ук, җәмәгать белән ахшам намазы укылачак.

Билетлар мөхтәсибәтләр, мәчетләр аша бирелә. Шулай ук, Диния нәзарәтенә ифтарда катнашу теләге белән гаризалар килә, аларны мөфтият җитәкчелеге карый.

• X Республика ифтар мәҗлесе 30 апрельдә "Казан Экспо" халыкара күргәзмәләр үзәгендә узачак. Быел ул Идел буе Болгарында Ислам дине кабул итүнең 1100 еллыгына багышлана.

https://tatar-inform.tatar/news/byel-respublika-iftaryna-cakyru-biletlary-kulga-birelmayacak-5853537

https://pixabay.com/ru/