Быел Россиядә «Үлемсез полк» акциясе традицион форматта узмаячак
«Үлемсез полк» йөрешенә башка вариантлардан файдаланыйк».
Быел Россиядә «Үлемсез полк» акциясе традицион форматта үткәрелми, ул 9 Майда катнаш форматта узачак. Бу хакта ТАСС агентлыгы «Россиянең үлемсез полкы» гомумроссия иҗтимагый хәрәкәтенең үзәк штабы рәистәше, РФ Дәүләт Думасы депутаты Елена Цунаевага сылтама белән хәбәр итә.
«Акция традицион форматта узмаячак. Кайбер төбәкләр, аерым алганда, Кырым Республикасы куркыныч янаган аркасында аны үткәрүдән баш тартты. Бу бит бердәм һәм бүленмәс тарих, «Үлемсез полк» йөреше, әгәр кайдадыр кешеләрнең мондый мөмкинлеге юк икән, әйдәгез, башка вариантлардан файдаланыйк», - дип аңлатты ул.
Цунаева, мәҗбүри үзгәрешләргә дә карамастан, бәйрәмнең «искиткеч булачагына» ышаныч белдерде. Депутат билгеләп үткәнчә, теләгән һәркем үз туганнары – ветераннарның фотосын киемдә, автомобильдә, социаль челтәрләрдә яки патриотик хәрәкәтнең рәсми сайтында урнаштыра ала.
фото: https://tatar-inform.tatar
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев