Циклон Татарстанга салкыннар һәм юеш кар китерәчәк

Бу хакта ТР Гидрометеорология үзәге җиткерә.

Синоптиклар хәбәр иткәнчә, хәзер Россиянең бөтен Европа территориясендә һава шартлары белән тирән циклон идарә итә. Әлегә республика күбесенчә бу циклонның җылы секторында тора, ләкин иртәгә  һава массаларының төньяк-көнчыгышка күчүе аркасында, ул «аның салкын тыл өлешендә калачак».

Нәтиҗәдә температура фоны сизелерлек түбәнәячәк. 28 апрельдә,  көндез +5, +10 градуска кадәр генә күтәреләчәк. Яңгыр һәм юеш кар явуы фаразлана, тәүлекнең якты вакытында урыны белән аз булыр дип фаразлана. Көчле җил сакланачак: төнлә аның тизлеге 15-20 м/с, көндез 18-23 м/с тәшкил итәчәк.

Метеорологларның беренчел мәгълүматларына караганда, җомга һәм шимбә, 1 һәм 2 майда, Татарстанда тотрыксыз һава торышы көтелә, вакыт-вакыт бераз һәм уртача явым-төшем булырга мөмкин., көндез  +8, +13 кә кадәр җылыначак.

Татар-информ