Яңа Иштирәкнең өлкән кешесе Бәдриямал әби сайлау участогына үзе килде
Җиденче чакырылыш республика Дәүләт Советы депутатларын һәм җирле үзидарә органнары депутатларын сайлау өчен Яңа Иштирәкнең өлкән кешесе Бәдриямал әби Хәмзина сайлау участогына килеп тавыш бирде.
Ул – Бөек Ватан сугышы ветеранының тол хатыны, тыл хезмәтчәне. Тиздән, ноябрь аенда аңа 95 яшь тула. Шулай булса да, ил-көн яңалыклары белән танышып, барысын да белеп тора.
“Без – элек-электән сайлауларны калдырмыйбыз. Бүген дә зур вакыйга, сайлау көне. Кызым белән килдем. Илләрдә тынычлык булсын”, - ди ул.
Яңа Иштирәк сайлау участогында сайлауга килүчеләр өчен концерт оештырылган иде, халыкны коймак һәм чәй белән сыйладылар.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев