Югары Ослан районында уртача хезмәт хакы 202 мең сум тәшкил иткән
Узган ел Югары Ослан районында уртача хезмәт хакы 202 мең сум тәшкил иткән, шул ук вакытта җан башына акчалата керем күләме 75 мең сумнан артып китә.
Югары Ослан муниципаль районы Советы утырышында 2025 елда территориянең социаль-икътисади үсешенә йомгак ясалды. Сессия эшендә Татарстан премьер-министры урынбасары Роман Шәйхетдинов һәм республика Дәүләт Советы депутаты Айрат Зарипов катнашты. Төп доклад белән район башлыгы Евгений Варакин чыгыш ясады.
Район башлыгы мәгълүматларына караганда, 2025 елның өченче кварталы нәтиҗәләре буенча муниципалитет социаль-икътисади үсеш республика рейтингында өченче урынны алган.
Тулаем территориаль продукт 50,3 млрд сумга җитте, бу 2024 ел дәрәҗәсеннән 5,7% ка югарырак. Сәнәгать җитештерүе үсеше индексы 102% тәшкил итте. Төп капиталга инвестицияләрнең көтелә торган күләме 16,8 млрд сум дәрәҗәсендә булыр дип фаразлана.
Районда кече һәм урта бизнесның 1182 субъекты теркәлгән, алар икътисадның барлык тармакларында, шул исәптән авыл хуҗалыгында да эшлиләр. Варакин сүзләренчә, эре проектларны үстерү кимендә 4 мең эш урыны булдыруны тәэмин итәргә тиеш. Мондый проектлар арасында төзелә торган «М-7 Ослан» индустриаль паркы бар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев