Ижевск мәктәбендә атыш булган. 13 кеше үлгән
Ижевск мәктәбендәге атышта 13 кеше һәлак булган, шуларның җидесе – укучы балалар. Бу хакта Россия Тикшерү комитетына сылтама белән «РИА Новости» яза.
Яраланучылар арасында – 14 бала, 7 зур кеше.
«Бүген Ижевскның 88 нче номерлы мәктәбендәге атыш турында билгеле булуга ук, Удмуртия Республикасы буенча Эчке эшләр министрлыгы хезмәткәрләре фаҗига урынына чыкты. Җинаятьтә шикләнүчене тоткарлауга юнәлдерелгән чаралар оештырылды. Хәзерге вакытта полиция хезмәткәрләре ут ачкан кешенең гәүдәсен тапты. Булган мәгълүматларга караганда, ул үз-үзенә кул салган. Хәзерге вакытта 6 кешенең һәлак булуы турында билгеле. Якынча 20 кеше зыян күргән. Әлеге мәгълүмат ачыклана», – диелә хәбәрдә.
https://tatar-inform.tatar/news/izevsk-maktabendage-atys-natiasenda-alty-kese-halak-bulgan-5860580
https://photo.tatar-inform.ru/
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев