Изге Вәли көне белән сезне, дуслар!

Гашыйклар көне белән

Гашыйклар көне белән
Тәбрик итәм дусларым,
Яшәгез сез сөю-назда,
Ямен тоеп дөньяның.

Һәркемнең күңел кояш,
Җан җылытыр нур сипсен,
Ялгыз тибүдән өшегән
Йөрәкләрне эретсен.

Бер көн түгел, бар гомергә,
Яратыйк якыннарны.
Бәхет йолдызына тиңләп,
Саклыйк сөйгән ярларны.

Тик бер тапкыр чәчәк аткан,
Сөю гөлен шиңдермик
Чәчкәсен кадергә төреп,
Саклап гомерле итик.

Олы хисләрне яңарткан
Бәйрәмчә үтсен бу көн
Сөюгә төренгән йөрәк,
Тик бәхет өчен типсен!

Дамир Ахметзянов

https://kotlaular.ru/gashyjklar-k%D3%A9ne сайтыннан алынды

https://pixabay.com/ru/