Категория булмау лениногорскилының кесәсенә нык сугачак

Машина йөртүче аларга юл кәгазе, автогражданлык җаваплылыгын мәҗбүри иминиятләштерү һәм машина йөртү таныклыгын күрсәткән. Документларны тикшергәндә, юл-патруль хезмәте инспекторы билгеләп үткәнчә, ир-атның авыр йөк машинасын йөртергә хокук бирүче “С” категориясе булмаган,  ул бары тик җиңел автомобиль йөртергә рөхсәт бирүче “В” категориясенә генә ия булган.

Билгеле, тиешле категориясез йөк машинасы руле артына утыручыга карата беркетмә төзелгән. Әмма бу гына түгел, автоинспекторларның сүзләренә караганда, тиешле категориясез йөргән өчен штрафтан тыш, машина йөртүчене транспорт чарасы белән идарәсеннән мәхрүм итү  һәм машинасын  штрафстоянкасында тоткарлау шикелле җәза да көтә.

Ә бу өстәмә акчалата чыгымнар, чөнки транспортны штрафстоянкага эвакуацияләгән очракта  тагын 5 мең сум штраф түләргә  кирәк, стоянка хезмәткәрләре эвакуация һәм саклаган  өчен квитанция язачаклар. Моңа өстәп, штрафстоянканың һәр көне тагын 1 мең сум тора.