Кемерово өлкәсендә «Гөбәдия, кыстыбый, кабартма көне» уздырганнар
Кемерово өлкәсе Новокузнецк шәһәрендә туган якны өйрәнүче татарлар халыкны татар милли ризыклары белән таныштырган.
Бөтендөнья татар конгрессы язганча, «Бәлеш көне»ндә гөбәдия, бәлеш, эремчек бәлеше, каймак бәлеше, кабартма һәм кыстыбый кебек татар халкының милли ризыклары тәкъдим ителгән.
Бәйрәмдә татар мөнәҗәтләре әйтелгән, татар халкы тарихына кагылышлы уен викторинасы оештырылган. 922 елда Идел буе Болгар дәүләтендә ислам динен кабул итүгә, Әхмәд ибн Фадланның Идел буйлап Болгар дәүләтенә сәяхәтенә кагылышлы сораулар да әзерләгәннәр.
Кунакларга яулык бәйләргә өйрәткән осталык дәресе дә күрсәткәннәр.
https://pixabay.com/
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев