Хезмәт базарында ихтыяҗ иң зур булган һөнәрләр билгеле

 Бүген төзүчеләр, азык-төлек, агач эшкәртү, текстиль һәм тегү сәнәгате эшчеләре, механиклар, автослесарьлар, авыл хуҗалыгы һәм җитештерү җиһазларын ремонтлаучылар, шулай ук машина йөртүчеләргә ихтыяҗ зур.

Бу хакта «Российская газета» РФ Хезмәт һәм социаль яклау министрлыгына сылтама белән хәбәр итә.

Ведомствода искәртеп үтүләренчә, мәшгульлек үзәкләренә килә торган заявкаларның һәр дүртенчесендә әлеге һөнәрләрнең берсен башкаручы хезмәткәр кирәклеге әйтелгән.

Шулай ук табиб һәм медицина хезмәткәрләре, кунакханә һәм ресторан бизнесы, ваклап һәм күпләп сәүдә итү тармагы җитәкчеләре, фән һәм техника өлкәсендәге югары квалификацияле белгечләргә дә ихтыяҗ зур булып кала.

https://tatar-inform.tatar

фото: https://pixabay.com/ru