Кибет помидорын тәмләтәбез

Кибет помидорының каты һәм тәмсез булуын беләсез инде. Менә аны ничек итеп тәмләтергә? Шушы сорауга җавап биреп карыйк.

Моның өчен шикәр, су, тоз, үсемлек мае кирәк.

50-60 градуска кадәр җылытылган суга помидорларны 15 минутка салып куярга.

Аннан соң суытырга һәм помидорны кисәкләргә бүләргә. Аларны савытка салып, 3-4 помидорга ярты чәй кашыгы исәбеннән тоз, шикәр сибәргә, бер аш кашыгы көнбагыш мае салып болгатырга кирәк.

10 минуттан соң помидорларны салатка турарга була.

Фото: pixabay.com

 ЧЫГАНАК