Кибетләрдән товар урлап йөргән лениногорскилы хөкем ителде

Суд материлларыннан күренгәнчә, 54 яшьлек ир кеше бары тик эре сәүдә нокталарында гына эш иткән.

Әлеге кибетләрдә үз-үзеңә хезмәт күрсәтүдән файдаланып, ул вак-төяк әйберләр урлап чыккан. Карак кассаны да читләтеп үтмәгән, яшерә алган товарларын- куенына, кесәсенә яшереп, бәясе түбән генә булган товарлары өчен түләп узган.

Әмма каракның бүреге яна дигәндәй, ахыр чиктә ул барыбер тотылган. Тоткарлангач, каршылык күрсәтеп маташмаган, гаебен таныган. Ул кибет хуҗаларына барлыгы 10 мең 800 сумлык зыян китергән. Ир кеше урлау, вак урлау һәм урларга  омтылуда гаепле дип табылды.

Шәһәр суды аны ике елга ирегеннән мәхрүм итте. Хөкем карары чыгарганда, суд, гаепләнүченең мондый караклыкны беренче тапкыр гына кылмавын, рецидив булуын исәпкә алды. Ир кешенең  угрылык исәбе унга җиткән. Хөкем карарының  катгыйлыгы шуңа нигезләнгән. Ул суд залыннан ук колониягә озатылды.

Исламия Галимова тәрҗемәсе

https://photo.tatar-inform.ru/