Кирлегәч мәдәният йорты сәхнәсен "Сүнмәс ялкын" дер селкеткән

Аларны мәдәният хезмәткәрләре,"Ихлас" төркеме, бәлеш, чәк-чәк, кош теле пешереп, тәмле ризыклар  белән каршы алганнар. Ә менә “Сүнмәс ялкын” ансамбле  алып килгән күчтэнәчне, бер ни белән дә алыштырып булырлык түгел иде... 

Ансамбльнең моңлы җырлары, дәртле биюләре, нэфис сүзлэре – беркемне дә битараф калдырмады. Алар – гади, халыкчан ансамбль, шунлыктан аларны һәркайда көтеп алалар, тамашачы ярата. Гармун моңы белән концерт та башкача була шул.

“Аларның һәрбер чыгышы күңелләргә дәрт өсти, тирә-юньгә моң тарата! Авыл халкы бик яратып, бик канәгать булып таралышты. Якын итеп килгәннәре өчен, шундый матур тамаша күрсәткәннәре өчен олы рәхмәтебезне белдерәбез. Һәрвакыт шулай яшь булып , сау-сәламәт булып калсыннар”, дип яза Кирлегәчтән Әлфия апа Галимова.