Кулланучы почмагы: дәгъваны кемгә белдерергә, маркетплейскамы, сатучыгамы?

Гражданин Ш.  электрон сәүдә мәйданчыгында сатып алынган товардагы җитешсезлекләрне ачыклауда кулланучылар хокукларын яклау турындагы законнарга аңлатма бирү үтенече белән мөрәҗәгать иткән.

Ул узган елның апрелендә электрон сәүдә мәйданчыгы  аша телевизор сатып алган. Товарның гарантия вакыты - 12 ай. Быел  гыйнвар аенда товарда кимчелекләр барлыкка килгән. Хәзер ул аптырашта: кемгә дәгъва белдерергә, маркетплейскамы  яки сатучыгамы?

Кулланучыга белгечләр «Кулланучылар хокукларын яклау турында»гы РФ Законына нигезләнеп аңлатма бирделәр.
Агрегатор (ягъни электрон сәүдә мәйданчыгы)  хуҗасы – юридик зат яки шәхси эшмәкәр, алар электрон исәпләү машиналары өчен программа хуҗалары яки сайтның «Интернет» мәгълүмат-телекоммуникация челтәрендәге битләре хуҗалары. Алар кулланучыга билгеле бер товарга карата бер үк вакытта сатучының сату-алу килешүе төзү турындагы тәкъдиме белән танышу, сату-алу килешүе төзү, шулай ук әлеге товар өчен алдан түләп кую мөмкинлеге бирә.

РФ Законының 12 статьясының 2.1. пункты «Кулланучылар хокукларын яклау турында» нигезендә, гомуми кагыйдә буенча, агрегатор хуҗасы тарафыннан бирелгән мәгълүмат нигезендә, кулланучы белән төзелгән килешүне үтәү, кулланучыга тиешле сыйфатта товар тапшыру нәтиҗәсендә бозылган кулланучылар хокукларын үтәү, азык-төлек булмаган сыйфатлы товарны шундый ук товарга алмаштыру өчен,  нәкъ менә сатучы җаваплы.

Килеп туган очракта кулланучыга товар сатучыга дәгъва белән мөрәҗәгать итәргә киңәш иткәннәр.