Лениногорск балалар китапханәсендә түбәтәй ясау буенча мастер-класс үткәрелде (+фотолар)
Лениногорскиның Ю. Гагарин исемендәге Үзәк балалар китапханәсендә түбәтәй ясау буенча «Кулдан ясалган могҗиза» мастер-классы уздырылды.
Мастер-класс Президент мәдәни инициативалар фонды тарафыннан хупланган «Халык китабы фестивале» проектын гамәлгә ашыру кысаларында үткәрелде.
Китапханәче Ольга Таймухина хатын-кыз һәм ир-ат түбәтәйләре, орнаментларның әһәмияте турында сөйләде. Башта татар милләтенә хас элементларны ясап, күрсәтмә буенча эшләделәр.
«Балаларга күбрәк фетр, бәрхет кәгазе, пайетка һәм стразалар белән эшләү ошады», ди ул.
Мастер-класс кызыклы һәм мавыктыргыч узды. Түбәтәйләр якты, төсле һәм матур килеп чыкты. Катнашучылар үз эшләреннән канәгать калды.
Фото һәм мәгълүмат Лениногорск мэриясенең официаль төркеменнән алынды.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев