Лениногорск Мәдәният сараенда җиңгәчәйләр кич утырды (+фоторепортаж)
Шәһәр Мәдәният сараенда, ң иң уңган җиңгәчәйләр - "Сүнмәс ялкын" ансамбле һәм "Ак калфак" хатын кызлар берләшмәсе "Җиңгәчәйләр кич утыра" дип исемләнгән кичке уенга җыелдылар.
Кичке уенда җиңгәчәйләр татар халык җыр- биюләрен, "Түгәрәкле уен", "Тукмак", "Түбәтәйле" уеннарны искә төшерделәр.
Кичәне гармунчылар Илдус Әхмәтҗанов, Геннадий Садовников, җырчылар: Фәния Латыйпова, Рузалия Зиатдинова, Фаиз Хөсәенов үзләренең чыгышлары белән бизәделәр. Гөлбстан Гатауллинаның биюе һәркемне сокландырды.
Зөмәрә Шәрәпова җитәкчелегендәге "Айсылу " балалар театры - "Чәй эчәбез самовардан" дип исемләнгән яңа чыгышлары белән сөендерде. Кичәне әзерләүче һәм алып баручы - Регина Гыйззәтуллина.
Кунак булып килгән тамашачылар да читтә калмадылар, уеннарда катнашып күчтәнәчле булдылар. "Татар халык уеннарын, җырларын беркайчан да онытмыйк, туган телебезне саклыйк, гореф- гадәтләребезне киләчәк буыннарга да тапшырыйк", дигән сүзләр әйтте тамашачылар.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев