Лениногорск мөхтәсибәте гошер сәдакасы җыя башлау турында хәбәр итә

Гошер сәдакасы ул – Аллаһы Тәгаләгә мул уңыш өчен рәхмәт йөзеннән бирелә торган сәдака.

Гошер сәдакасы турында Коръәннең «Бәкара» сүрәсенең 267 нче аятендә әйтелә, дип хәбәр итә Лениногорск мөхтәсибәте.

Шул уңайдан, 10 сентябрьдән 20 октябрьгә кадәр мөхтәсибәт гошер сәдакасы җыю турында хәбәр итте. 

Яшелчәләрне “Ихлас” мәчетенә алып килергә мөмкин. Аннары аларны мохтаҗларга, мәдрәсәләргә, күпбалалы гаиләләргә тапшырачаклар.

Гошер сәдакасы буенча Лениногорск мөхтәсибәтенә Гомәр хәзрәткә шалтыратып белешергә була: 8960 - 071 - 72 - 85

Гошер сәдакасы җыю Татарстанның барлык мөхтәсибәтләрендә үзәкләштерелгән рәвештә 2017 елдан бирле үткәрелә.