Лениногорск пенсионерлары теннис буенча сынатмады

Ярышларда 44 команда катнашты. 38 муниципаль районнан команда составында бер хатын-кыз һәм бер ир-ат килде, тагын Казанның 6 районыннан шундый ук составта командалар булды.

“Лениногорск командасын без – Николай Фадеев һәм мин тәкъдим иттек, - дип сөйли Фәридә Усманова. – Ярышларның финал этабына кадәр муниципаль этабы узган иде. Лениногорскида да актив рәвештә үтте”, - ди ул.

“Уен киеренке барды, көндәш командалар да нык әзерләнгән”, - ди Фәридә Усманова. Нәтиҗәдә, шәхси беренчелектә Николай Фадеев икенче урынны, ә Фәридә Усманова 12нче урынны ала.

Командалар арасындагы  дүртенче урынны Лениногорск ала.  Яр Чаллы командасына тиңнәр булмый. Икенчедә – Түбән Кама, өченчедә – Зәй.