Лениногорск районында 150 граждан техник реабилитация чараларын электрон сертификат белән алган

Бу хакта Лениногорск Социаль фондының Клиентлар хезмәте җитәкчесе Айгөл Исламова хәбәр итә.

Фонд тәкъдим итә торган техник реабилитация чараларының исемлегендә 11 мең әйбер кергән, анда кресло-коляска, протезлар, ортезлар, махсус киемнәр һәм башка эшләнмәләр бар. Лениногорск районында 150ләп кеше ТСРны ( технические средства реабилитации) электрон сертификат ярдәмендә алган.

Сертификатта аның ярдәмендә сатып алырга мөмкин булган әйбернең төре турында мәгълүмат бар. Бу ишетү аппараты, кресло-коляска, костыльләр, таяклар булырга мөмкин.  69 инвалид граждан кирәкле әйберләр өчен үзләре түлиләр, рәсмиләштерелгән электрон сертификатлар буенча 142 реабилитация чарасы алалар. Тагын 90 инвалид үзләре сатып алган 204 ТСР өчен компенсация ала.

“Инвалидлар реабилитациянең техник чараларын һәм протез -ортопедик әйберләрне ничек алырга икәнен сайлый ала. ТСРны табигый формада алу өчен Татарстан Социаль фондына гариза бирергә кирәк. Шулай ук ТСРны үзең сатып алырга мөмкин, ә социаль фонд компенсация түләячәк, яки реабилитация чарасын махсус кибеттән электрон сертификат акчасына сатып алырга мөмкин”, - дип аңлата Айгөл Исламова.

Тулырак "Заман сулышы" газетында

фото: татар-информ

Безнең Лениногорск яңалыклары Телеграм-каналга кушылыгыз.