Татарстанда Лениногорскидан 37 яшьлек шәхси эшмәкәргә карата җинаять эшен тикшерү тәмамланды.
Хатын-кызны куркынычсызлык таләпләренә җавап бирми торган хезмәт күрсәтүдә гаеплиләр.
Тикшерү мәгълүматлары буенча, шәһәрнең балалар күңел ачу үзәкләренең берсендә ул куркынычсызлык нормаларына туры килми торган коры бассейн урнаштырган. 2024 елның 4 маенда уен вакытында кечкенә малай (3 яшьтән кечерәк) кырые тотып алынмаган платформадан идәнгә егылган. Бала авыр җәрәхәтләр алган.
Тикшерү комитеты җитәрлек дәлилләр җыйган. Җинаять эше судка җибәрелгән.
Чыганак: Татарстан Республикасы буенча Тикшерү комитеты сайты
Нет комментариев