Лениногорскида фән олимпиадаларының региональ этабы җиңүчеләрен һәм призерларын тәбрикләделәр (ФОТОЛАР)

Шәһәрнең Мәгариф идарәсендә 2016-2017 елда укучыларның Бөтенроссия фән олимпиадалары буенча региональ, республика этабында җиңүчеләрне һәм призерларны тәбрикләү тантанасы узды.

Мәгариф идарәсенең актлар залы тулы иде. Талантлы укучылар белән бергә аларның әти-әниләре, укытучылары килде. Шулай ук мәктәп директорлары катнашты.

Истәлекле көн белән район башлыгы урынбасары Гөлфирә Рафикова, Мәгариф идарәсе начальнигы Вагиз Санатуллин котлады, киләчәктә дә уңышлар теләделәр.

Директорларны, укытучыларны, укучыларны әти-әниләре белән бергә сәхнәгә чакырып, аерым-аерым бүләкләделәр, Рәхмәт хаты тапшырдылар. Бәйрәм концерты да күрсәтелде.

Язманың тулырак вариантын "Заман сулышы"ның алдагы санында укыгыз.

Розалия Мостафина фотолары