Лениногорскида кайда салют җибәрергә ярый?

Татарстанда, шул исәптән Лениногорск муниципаль районында янгынга каршы махсус режим бара. Ул 9 гыйнварга кадәр гамәлдә булачак. Лениногорскида Махсус режим вакытында яңа ел салютын җибәрү өчен аерым урын билгеләнде. Ул Тукай урамында, Чайковский һәм Гагарин урамнары арасында, дип хәбәр итә мэриянең матбугат хезмәте.

Фейерверкларны да махсус кибетләрдән генә алырга киңәш ителә.

 Лениногорск муниципаль районы буенча янгын күзәтчелеге һәм профилактик эшләр бүлеге янгын куркынычсызлыгы таләпләрен бозган өчен штрафлар күләмен искә төшерә: физик затларга-2 меңнән 4 мең сумга кадәр, вазыйфаи затларга-15тән30 мең сумга кадәр, юридик затларга - 30 меңнән 40 мең сумга кадәр, юридик затларга-200 меңнән 400 мең сумга кадәр.

фото: https://pixabay.com/ru/