Лениногорскида өч Россия Геройлары истәлегенә оештырылган турнирның тренеры үз участогында тавыш бирде

Иртә килүенең сәбәбе: Лениногорскида бу көннәрдә бокс буенча турнир уза. Әлеге ярышлар өч Россия Геройлары – танкистлар: Дамир Исламов, Дамир Гилемханов,  Иван Цевун истәлегенә үтә.  Алар махсус хәрби операциядә хәрби бурычларын үтәгәндә танкта һәлак булдылар.

Бүген – 8 сентябрьдә финал ярышлары, 12.00 дә башланды, шунлыктан Алис Залалтдинов иртән-иртүк сайлау участогына (3нче мәктәптә урнашкан) килеп тавыш бирде.

“Сайлаулар – минем өчен мөһим,  үз тавышыңны лаеклы кандидат өчен бирергә кирәк”, - ди ул. 

Финалда тренерның шәкертләре дә катнаша. Быелгы ярышлар - Б классы турниры. Спортчылар монда спорт мастеры кандидатына нормалар тапшырачаклар.  Быелгы ярышлар рингында Татарстан, Россия регионнары спортчылары очрашты.

Аларга көч-куәт биреп торырга һәлак булган хәрбиләр – Россия Геройларының туганнары да килгән иде. 

Бокс буенча турнир Лениногорскида моннан 3 ел элек оештырылды һәм ел саен танк йөртүчеләр көнендә уза.

Розалия Мостафина фотолары