Лениногорскида рәссам Владимир Чихановның күргәзмәсе ачылды (+фотолар)

Күргәзмә ачылу тантанасына Лениногорск мәдәният идарәсе җитәкчесе Гөлнара Зарипова, Татарстан Рәссамнар берлеге вәкилләре, Бөгелмә, Әлмәт, Азнакай шәһәрләреннән, Шөгер авылыннан дуслары килгән иде.

Владимир Чихановның эшләрендә төп герой — табигать. Ул графика, гравюра, рәсем һәм акварель белән студентлар белән пленэрларда эшләгәндә мавыга башлый. 

Элекке ясаган рәсемнәре этюд характерында булса, соңрак, төрле күргәзмәләрдә катнашып, рәссам майлы рәсем сәнгатенә игътибар итә башлый. Мәсәлән, туган якның уңайлы почмагы, Россия һәм Татарстанның борынгы шәһәрләренең төсле урамнары һәм башкалар. 

Музейда күргәзмә 3 мартка кадәр эшләячәк.

Фото һәм мәгълүмат Лениногорск районы мәдәният идарәсе