Лениногорскида Хөснетдиновлар гаиләсе алтын туйларын билгеләп үтте
Лениногорск ЗАГС бүлегендә Халидә Мәхмүт кызы белән Гали Умар улы Хөснетдиновларны алтын туйлары белән котладылар.
1970 нче елның 25 октябрьдә гаилә кора алар. Гаилә тормышында шатлыклар да, кыенлыклар да була. Ләкин алар тормыш юлын намус белән үтә, мәхәббәтләрен саклап кала. Хөснетдиновлар бер кыз һәм бер ул үстерәләр. Балалары югары белемле, үз гаиләләрен корганнар, бәхетле һәм имин яшиләр. Бүгенге көндә Хөснетдиновлар дүрт оныкка яраткан әби белән бабай.
Лениногорск шәһәренең ЗАГС бүлеге хезмәткәрләре аларны алтын туйлары белән котлап таныклык тапшырды. Хөснетдиновлар гаиләсенә туганнары һәм якыннары тарафыннан бик күп җылы сүзләр әйтелде. Юбилярларга ныклы сәламәтлек, озын гомер һәм иминлек телибез.
Фото һәм мәгълүмат Лениногорск ЗАГС бүлегенең ВКонтакте челтәреннән
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев