Лениногорскилылар һәлак булган улларын искә алды

Мондый очрашулар "Ихлас" мәчетендә традициягә әверелде. 

Очрашуга Ринат Бекмурзин, Радик Мортазин, Айрат Воевода, Ринат Насыйбуллин, Руслан Маковский, Илфат Шәрәфетдинов, Руслан Алтынбаев, Артем Мурасов гаиләләре килгән иде.  

Булат хәзрәт Раупова аларны каршы алды, вәгазь укыды, махсус хәрби операция зонасында һәлак булган якташларыбыз өчен дога кылды. Туганнарының борчыган барлык сорауларына да аңлаешлы итеп җавап бирде.

Мәсәлән, Шөгер авылыннан килгән  Татьяна Владимировна, Айрат Воеводаның әнисе, улының һәйкәле янында эскәмия урнаштырырга рөхсәт ителмәвен әйтә. Хәзрәт Ислам динендә зиратта озак вакыт үткәрү хупланмый, ди. Кабернең бары тик рәшәткәсен төзекләндерү һәм мәрхүм өчен дога гына кылу хәерле ди.

Барлык катнашучылар да чараны оештыручыларга рәхмәт белдерде.

Ринат Бекмурзинның әнисе Зөмәрә Хәйдәр кызы хис-кичерешләре белән уртаклашып: "Без бер-беребез белән танышабыз, хис-кичерешләребезне уртаклашабыз. Очрашулар, һәлак булган балаларыбыз турында сөйләшүләр, әлбәттә, күз яшьләрен уята, әмма без кешеләр, әти-әниләр, безгә авыр, ләкин алар өчен горурланып алга таба яшәргә тиешбез», - ди ул.

Ильмира Гәрәева

Фото авторы: Наталья Менжаева.