Лениногорскилылар игътибарына: урамнар киселешендә светофор куелды

Шәһәрдә Ленин-Моряков урамнары киселеше чатында ике җәйге ай эчендә 4 юл-транспорт һәлакәте булган. 

Лениногорск шәһәре Башкарма комитеты, Ленин-Моряков урамнары киселешендә юл-транспорт һәлакәтләре еш булу сәбәпле, юл хәрәкәте иминлеге комиссиясе тарафыннан әлеге чатта светофор объекты урнаштыру турында  хәбәр итә.

Шәһәр һәм район хезмәтләре тарафыннан әлеге объектны урнаштыру буенча барлык кирәкле чаралар үткәрелгән.

Светофор 18 сентябрьдән эшли башлаячак. Җәяүлеләргә һәм машина йөртүчеләргә  юлның әлеге участогында игътибарлы һәм уяу булырга кирәк.

фото: Рамия Гарифуллина