Лениногорскилылар вакцинация һәм ревакцинация уза

Лениногорск шәһәре һәм районында бүгенге көндә 40 мең 790 кеше коронавируска каршы прививка ясаткан. Шуның 12 меңе – 60 яшьтән олыраклар.

Лениногорскида эпидемия башланганнан бирле ковидның 615 очрагы ачыкланган. Соңгы атнада коронавирусның 20 яңа очрагы расланган.  

Үз сәламәтлегенә битараф булмаган лениногорскилылар ревакцинация дә уза.

 Прививка пунктлары: үзәк район хастаханәсе поликлиникасында һәм медсанчасть стационарында, Шөгер һәм Иске Куак амбулаториясендә.

 Яңа кагыйдәләр

COVID-19 инфекциясе белән авыручылар һәм сырхаулар белән аралашкан кешеләр өчен яңа таләпләр 6 февральдән  үз көченә керде.

        – коронавируслы сырхаулар белән аралашкан кешеләрне карантинга җибәрмәячәкләр;

    – чирдән дәвалану вакыты җиде һәм аннан күбрәк көн тәшкил итә икән, стационарларда һәм амбулатория шартларында дәваланып аякка баскач, коронавируска тест тапшырмый гына хезмәт эшчәнлеген (уку) башларга рөхсәт ителә;

    – элегрәк, коронавирустан саклану чарасы буларак, перчатка кию мәҗбүри иде. Хәзер исә бу чикләү чарасы гамәлдән чыгарылды.
Әмма чир бетми. Гади саклану кагыйдәләрен үтәү әле дә мөһим.