Лениногорскилылар Ватанны саклаучылар көне уңаеннан үткәрелгән “Җиңүгә юл!” квест-уенында катнашты

Чараның максаты - яшь буында патриотлык хисе тәрбияләү һәм гаиләләрдә сәламәт яшәү рәвешен формалаштыру.

Барлыгы квест-уенда 6 гаилә катнашкан.

Гадел көрәштә 30 бала һәм 11 өлкән кеше стройга әзерлек күнекмәләрен күрсәтте, турист палаткаларын вакытка сүтеп җыйды, беренче медицина ярдәме күрсәтте.

Квестта, шулай ук, "Техника йорты" һәм "Спорт мәктәбе" укучылары да иҗади чыгыш ясады. "Форпост" яшьләр оешмасы яшьләре корал төрләре буенча күргәзмә-экскурсия оештырды, автомат сүтеп җыю буенча мастер-класс үткәрде.

Нәтиҗәдә, өченче урынны Бөгелмәнең Ишкининнар һәм Лениногорскидан Сивачевлар гаиләләре бүлеште.

Икенче урынны Лениногорск шәһәреннән Галиевлар һәм беренче урынны Хуҗаназаровлар гаиләсе яулаган.

Барлык катнашучылар да кыйммәтле һәм татлы призлар белән бүләкләнгән.

https://vk.com/official_leninogorsk?w=wall-192569052_7316 мәгълүмат һәм фото алынды.