Лениногорскиның өч уку йорты «Абилимпикс»ның төбәк чемпионаты өчен мәйданчык булды

Әлеге ярышлар бу уку йортларында  2019 елдан бирле үткәрелә. Һәр компетенциядә өч категория конкурсанты: 14 яшьтән мәктәп укучылары, студентлар һәм белгечләр катнашты.

Лениногорск музыка-рәсем сәнгате педагогика колледжы базасында катнашучылар биш компетенциядә ярыштылар: рәссам-бизәүче, ефәк буенча рәсем ясау, сәнгать дизайны, чүлмәк ясау һәм киез сәнгать. Бер көн эчендә республиканың 13 шәһәреннән 77 конкурсант үз осталыкларын күрсәтте. 

Ләйлә Сәлахова музыка-рәсем сәнгате педагогика колледжының 4 курсында укый. Берничә тапкыр «Абилимпикс» төбәк этабында җиңүче һәм призер булган. Быел ул рәссам-бизәүчеләр арасында чүлмәк ясауда да ярышты. Рәссам-бизәүчеләр өчен бирем витраж эскизы ясау иде. Ләйлә Халыклар дуслыгы темасына эш башкарып, студентлар арасында җиңүче булды. Тагын 22 лениногорскилы үз компетенцияләрендә иң яхшылары иде.

Лениногорск нефть техникумында чемпионат веб-дизайн, мәгълүматлар базасын администрацияләү буенча узды. Барлыгы республиканың 4 шәһәреннән 30 катнашучы җыелды.

Лениногорск политехник колледжда ярышлар коры төзелеш һәм штукатур эшләре компетенцияләре буенча узды. Татарстанның 7 шәһәреннән 27 катнашучы катнашты. Лениногорскилылар бу компетенцияләрнең һәркайсында нефть техникумында һәм политехник колледжда җиңүчеләр рәтендә.

Татарстанда «Абилимпикс» төбәк чемпионаты төрле шәһәрләрдә 16 марттан 30 апрельгә кадәр узачак. Ярышлар 125 компетенция буенча була. Чемпионатның төп максаты – төрле һөнәрләрдә катнашучыларның мөмкинлекләрен күрсәтү һәм аларның һөнәри үз-үзләрен тормышка ашыру өчен шартлар тудыру.

“Абилимпикс” чемпионаты «Яшьләр һәм балалар» илкүләм проектының «Профессионалитет» федераль проекты кысаларында гамәлгә ашырыла.

фото: политехник колледждан