Лениногорскиның суд хезмәткәрләре чаңгы ярышында лаеклы урыннар яулап кайтты
Казан шәһәренең Мирный поселогындагы чаңгы-биатлон комплексы базасында республика шәһәр һәм районнарының суд хезмәткәрләре арасында чаңгы ярышлары буенча Беренчелек узды.
Бәйге 16 нчы мартта, Казанның Мирный поселогындагы чаңгы-биатлон комплексы базасында узды. Әлеге ярышларда Лениногорск районының суд системасын, 3 нче суд участогының җәмәгать судьясы Альбина Вильданова, 2 нче суд участогының җәмәгать судьясы Марат Шәехов һәм Лениногорск шәһәр суды администраторы Руслан Шәфигуллин тәкъдим итте.
Ярышлар 2 этапта уздырыла: хатын-кызлар- 1 километр арага, ә ир-атлар исә — 2 километрга узыштылар. Бәйге нәтиҗәләре, ярышларда катнашучыларның яшь төркемнәрен дә исәпкә алып чыгарылды.
Альбина Вильданова үз яшь категориясендә 2 урынга чыкты. Марат Шәехов һәм Руслан Шәфигуллин, иң осталар унлыгында лаеклы урыннарын яулап алдылар.
Фото һәм мәгълүмат Лениногорск шәһәре судыннан
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев