Марат Кәбировның «Киллер» китабы Уфа шәһәрендә сатыла башлады
Марат Кәбировның «Киллер» китабы бестселлер булып танылды. Китапка ихтыяҗ зур, 2000 данә булып басылып чыккан тиражның 70% өлеше 2 атнада сатылып бетте, дип хәбәр иттеләр «Татмедиа» акционерлык җәмгыятенең ваклап сату департаментында.
Детектив жанрында язылган «Киллер» повестенә укучылар да, профессиональ язучылар да уңай бәя бирде. Татарстан Язучылар берлеге рәисе Ркаил Зәйдулла сюжетның бирелешенә игътибар итте: «Җиңел әсәр сыман тоелса да, төбендә мәңгелек фәлсәфә ята: игелек барыбер, иртәме-соңмы, явызлыкны җиңә. Марат Кәбиров шушы бәхәсле хакыйкатькә ышандыра алган», — дип сөйләде ул «Татар-информ»га.
Марат Кәбировның «Киллер» китабы Уфада 52 сәүдә ноктасында сатыла башлады.
Татарстан районнарында китап район газеталары редакцияләрендә сатыла. Татарстан шәһәрләрендәге сәүдә нокталары турында мәгълүматны 8-9173-93-09-62 телефоны буенча белешергә була. Китапны почта аша кайтартырга теләүчеләр инстаграмда заявка калдыра ала.
Марат Кәбировның "Киллер" китабы "Татмедиа" акционерлык җәмгыяте ярдәме белән "Казан утлары" китапханәсе сериясендә басылып чыкты. Форматы - кесә китабы.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев