Марат Әхмәтов журналистларга коронавирустан вакцинация уздыру тәкъдимен хуплады
Татарстан Дәүләт Советы Рәисе урынбасары Марат Әхмәтов фикеренчә, журналистлар вакцинация буенча беренче чираттагы исемлектә булырга тиеш.
Ул «Татар-информ» агентлыгының баш редакторы Ринат Билалов соравына җавабында шул хакта әйтте.
«Билгеле булганча, вакцинацияне беренче булып табиблар уза. Тик без гел вакыйгалар үзәгендә, төрле чараларга, оешмаларга йөреп, вирус белән йогышлану куркынычы янаган журналистларыбыз өчен борчылабыз. Авыручылар да булды, бу ахыр чиктә мәгълүмати куркынычсызлыкка да йогынты ясый», - дип мөрәҗәгать итте Ринат Билалов.
Марат Әхмәтов агентлык җитәкчесен хуплады. Журналистларга прививка ясату мөһимлеге белән килеште.
«Бу проблеманы хәл итәргә кирәк. Мин андый мөрәҗәгатьне хәтерлим. Бу сорауны контрольгә алырбыз. Журналистлар халык белән даими элемтәдә, шуңа күрә алар өстенлекле исемлектә булырга тиеш. Бу мәсьәләне хәл итәрбез дип уйлыйм», — диде.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев