МАТУР ЯШӘҮ КАГЫЙДӘЛӘРЕ

Татарстанның баш казые Җәлил хәзрәт ФАЗЛЫЕВ:
— Матур яшәү кагыйдәсе урынына, әхлак кагыйдәләре дисәк, дөресрәк булыр. Хәер, мәгънәсе шул инде...

Беренчесе — Аллаһы Тәгаләне һәм Ул барлыкка китергән һәрнәрсәне ярату. Аңа гына гыйбадәт кылу, беркемне сүкмәү. Пәйгамбәребез (с.г.в.): “Мәрхәмәтле булыгыз, шул чакта сезгә шәфкать күрсәтерләр. Кичерә белегез, шул вакытта сезне дә гафу итәрләр”, — дип әйткән.

Икенче кагыйдә — Аллаһның бер мәхлукына да зыян салмау.

Өченчесе — Хак Тәгалә биргәнгә шөкер итү.

Дүртенчесе — кирәкмәгән җиргә кысылмау.

Вәгазьләремдә гел әйтәм: зарланмаска, матур яшәргә өйрәнергә кирәк. Тормышыбызга сүз әйтерлек түгел, дөньялар тыныч, ашау, кием күп... Бу нигъмәтләрнең һәркайсы өчен Раббыбызга шөкрана итәргә тиешбез...

Чыганак: https://vk.com/tamletamak

Фото: https://pixabay.com/ru