Мичурин авылында «Минем гаиләмдә музыкаль традицияләр» әдәби-иҗади конкурс үткән (+видео)

Анда Рузалия һәм Әкдас Мифтахов-Ковиннарның гаиләсе катнашкан. 

Конкурс өч этаптан торган. Беренче этап әдәби нон-стоп, дип аталган. Бу этапта такмаклар җырлана. Катнашучылар «Эх, алмагачлары» җырына кушылып җырлаган. 

Музыка безнең гаиләдә, дип аталган икенче этапта алар өчен «Әтием капкалары» җыры яңгыраган. Ә менә өченче этапта гаилә белән яратып тыңлаган, җырлаган җыр турында сөйләргә кирәк булган. 

Рузалия ханым сөйләвенчә, алар бөтен туганнары белән бер өстәл артына утырып, җырлар җырларга, моңлы, күңелгә үтеп керә торган җырларны тыңларга яраталар икән. Алар арасында иң популяр булганы — «Күбәләгем» җыры. 

Китапханәче Сания Вахитова Мифтаховлар-Ковиннар гаиләсенә конкурста катнашканнары өчен рәхмәтен белдергән һәм Диплом тапшырган. 

Фото һәм мәгълүмат Мичурин авылы китапханәсенең ВКонтакте шәхси битеннән алынды.

Яңалыкларны безнең Дзен-каналдан укый аласыз. Кушылыгыз безгә!