Патяшина Татарстан мәктәп укучыларын дистанцион укытуга күчермәячәкләр дип ышандырды
Татарстанда балаларны дистанцион укытуга күчерергә җыенмыйлар. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның ТР буенча идарәсе җитәкчесе Марина Патяшина хәбәр итте.
«Бездә 1 сентябрьдән нибары 25 педагог һәм җиде укучы бар [Covid-19] төрле мәктәпләрдә. Бүгенге көндә ике бала савыгып, мәктәпкә чыкканнар, бишесе карантинда кала. Әмма килешәсездер, 400 мең мәктәп укучысы арасында мондый очраклар калган барлык мәктәп укучыларын дистанцион укытуга җибәрүебез турында сөйләми", - дип билгеләп үтте спикер.
Баш санитар табиб бүгенге көндә мәктәп укучыларын дистанцион укытуга күчерү мәсьәләсе каралмый, дип өстәде.
Ведомство башлыгы педагогик состав һәм укучылар арасында Covid-19 авыруы очракларына тиз реакциянең нәтиҗәлелеген билгеләп үтте. Кулланучылар хокукларын яклау һәм кеше иминлеге өлкәсендә күзәтчелек федераль хезмәте эпидемиягә каршы чаралар оператив рәвештә үткәрә: авыруны изоляцияли, контактлы затларны күзәтә һәм тикшерә, дезинфекция үткәрә.
Чыганак:https://www.tatar-inform.ru/news/health/05-10-2020/patyashina-zaverila-chto-shkolnikov-rt-ne-perevedut-na-distantsionnoe-obuchenie-5776509
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев