Мобилизацияләнгән авыл хуҗалыгы хезмәткәрләренең гаиләләренә ярдәм күрсәтәчәкләр

«Төбәкләр башлыкларына, авыл хуҗалыгы предприятиеләре җитәкчеләренә дә аерым мөрәҗәгать итәсем килә. Өлешчә мобилизация кысаларында, шул исәптән, авыл хуҗалыгы хезмәткәрләре дә чакырыла. Аларның гаиләләренә ярдәм итәргә кирәк. Бу мәсьәләгә аерым игътибар бирүегезне үтенәм», – диде дәүләт башлыгы киңәшмәдә. Ул видеоэлемтә буенча утырышта катнашучы губернаторларга гына түгел, Россия төбәкләренең барлык җитәкчеләренә дә мөрәҗәгать итте, дип хәбәр итә Кремльнең матбугат хезмәте.

Владимир Путин әйтүенчә, Донбасста махсус операция һәм референдумнар барган көннәрдә бар кешегә дә билгеле, гади һәм әмма төпле «Икмәк – барысына баш» гыйбарәсенең әһәмияте бетмәде. “Без хәзер яши торган шартларда, дөньядагы азык-төлек базарындагы хәлләрне исәпкә алганда, бәлки әле, бу иң мөһим кануннарның берсенә дә әверелгәндер. Шуңа күрә мин бүгенге көнгә кадәр башкарылган эшләр өчен рәхмәт белдерәм», – диде Россия Президенты.

https://vatantat.ru/2022/09/92981/

"Заман сулышы" фотосы