Район башлыгы Рәгать Хөсәенов һәм яшьләр хәрәкәте «Хәтер бакчасы» акциясендә катнаштылар

Район башлыгы, шәһәр мэры Рәгать Хөсәенов һәм район Башкарма комитеты җитәкчесе Зөлфия Михайлова, шәһәр Башкарма комитеты җитәкчесе Риваль Сытдиков, “Бәкер” шифаханәсе директоры Наил Шәйхетдинов һәм яшьләр-балаларның “Беренчеләр хәрәкәте” активистлары да Бөек Җиңүнең 78 еллыгына багышланган “Хәтер бакчасы” акциясендә катнаштылар.

Алар Ленин исемендәге скверда 20 төп алмагач утыртты, ә аннан алдагы көндә Добролюбов урамындагы паркта 40 төп миләш утыртылды, дип хәбәр итә мэриянең матбугат хезмәте. “Хәтер бакчасы” акциясе район территориясендә дәвам итәчәк. Яшь  үсентеләр яңа җирлектә җайлашып, яхшы гына үсеп китәрләр дип өметләнәбез.

фотолар: https://leninogorsk.tatarstan.ru/index.htm/news/2192618.htm