Районда уза торган авыл җыеннарында Социаль фондның консультация пунктлары эшли

Әлеге җыеннарда Лениногорск Социаль фондының консультацион пункты эше дә оештырылды.

Барлык теләүчеләр белгечләр янына килеп, үзләрен кызыксындырган сорауларын бирделәр.

Әлегә кадәр якынча 65 гражданга консультация бирелде, дип хәбәр итә Лениногорск Социаль фонды.

“Халыкны бердәм пособие билгеләү һәм түләү, пенсияләрне индексацияләү, эшләүче пенсионерларга карата яңадан исәпләү тәртибе, пенсиягә чыгу яшен үзгәртү, «авыл» стажы өчен яңадан исәпләү, кара-тәрбияләү буенча компенсация түләүләрен билгеләү мәсьәләләре һәм социаль фонд компетенциясенә кергән башка сораулар кызыксындыра”, - ди Клиентлар хезмәте җитәкчесе Айгөл Исламова.

Шулай ук халыкка Социаль фонд эше һәм анда күрсәтелә торган хезмәтләр турында да сөйлиләр.

Халык белән консультация эше алып барганда, Клиентлар хезмәте җитәкчесе тарафыннан пенсия темасына кагылышлы буклетлар да таратыла.
 

фотолар: Социаль фондтан