Район башлыгы Рәгать Хөсәенов Ватанны саклаучылар көне белән котлый
Кадерле Ватанны саклаучылар! Бөек Ватан сугышының, Кораллы көчләрнең хөрмәтле ветераннары!
Чын күңелдән Ватанны саклаучылар көне белән тәбрик итәм! Ватанны саклаучылар көне – ул Россия Федерациясе Кораллы Көчләре хәрбиләре өчен генә түгел, ә үз иленең ватанпәрвәре саналган, «Ватан», «туган ил», «бурыч» кебек төшенчәләр аерым мәгънәгә ия булган һәркем өчен дә зур бәйрәм.
Хәрби хезмәткәр, Ватанны саклаучы илебезнең күп гасырлык тарихы дәвамында һәрвакытта да тирән хөрмәт казанды, ватандашларының кайгыртучанлыгын һәм игътибарын тойды. Уртак тамырлар һәм язмышлар, уртак мәшәкатьләр һәм мәнфәгатьләр халык һәм армияне берләштерә торган иң ышанычлы җеп булды һәм шулай булып кала да.
Барыннан да элек авыр сугыш елларында үзләренең патриотик бурычын намус белән үтәгән Бөек Ватан сугышы ветераннарын тәбриклибез, сезнең алда баш иябез.
Өйләрегездә һәрвакыт тынычлык һәм иминлек булсын. Сәламәтлек, күңел күтәренкелеге телим!
Рәгать Хөсәенов, муниципаль район башлыгы, шәһәр мэры.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев