Роспотребнадзор: Республикада битлек режимын гамәлдән чыгару планлаштырылмый
Битлек режимы федераль дәрәҗәдә булган вакытта, Татарстан республикада әлеге режимны гамәлдән чыгарырга җыенмый. Бу хакта «Татар-информ»да узган матбугат конференциясендә Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) Татарстан буенча идарәсе җитәкчесе урынбасары Любовь Авдонина хәбәр итте.
«Битлек режимы Россия Федерациясенең баш санитар табибы карарында беркетелгән. Әлеге карар РФ Юстиция Министрлыгында теркәлде. Шуңа күрә бу өлештә йомшаклык була икән, димәк, ул РФ баш дәүләт санитар табибы карары булачак», – дип белдерде Авдонина.
Искәртеп үтәбез, битлек режимы Мәскәүдә, Мәскәү өлкәсендә, Кырымда һәм Россиянең башка төбәкләрендә инде гамәлдән чыгарылды. Ә бүгенге көннән ул Санкт-Петербургта да бетерелде.
https://pixabay.com/ru/
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев