Россиялеләр 15 илгә сәяхәткә очарга мөмкин

Россиялеләр өчен күчеп утырмыйча гына чит илгә сәяхәт итү мөмкинлеге кала бирә. 15 илдә чит ил пассажир ташучылары өчен турыдан-туры рейслар бар, дип сөйләделәр Россия туроператорлары ассоциациясендә (АТОР).

"2022 елның мартында 15 илгә Россиядән турыдан-туры рейслар игълан ителгән. Бу Төркия, Берләшкән Гарәп Әмирлекләре (БГӘ), Бахрейн, Катар, Марокко, Иран, Казахстан, Кыргызстан, Әрмәнстан, Белоруссия, Төрекмәнстан, Таҗикстан, Үзбәкстан, Һиндстан, Шри-Ланка", - дип сөйләделәр ассоциациядә.
Россия туроператорлары ассоциациясендә билгеләп үткәнчә, туристлар шулай ук башка юнәлешләр буенча да турпакетлар сатып алырга мөмкин, әмма күчеп утырып кына. Алар арасында Абхазия, Греция, Мисыр, Таиланд, Мальдива, Индонезия, Сейшелы турлары да бар. "Март аенда чит илдә бер атна ял итү, мәсәлән, Абхазиядә 23,7 мең сумнан, Әрмәнстанда 66,7 мең сумга төшәчәк", - дип күрсәттеләр ассоциациядә.

http://shahrikazan.ru/news/kyiskacha-ya%D2%A3alyiklar/rossiyalelr-15-ilg-syakhtk-ocharga-mmkin

https://pixabay.com/