Сәламәтлеккә юл – диспансеризация аша

Диспансеризация – формаль тикшерү генә түгел, ә үлем һәм инвалидлык күрсәткечләренә иң зур йогынты ясаучы авыруларны иртә ачыклауның мөһим чарасы, ди табиблар.  

Диспансеризация «Дәвамлы һәм актив тормыш»  илкүләм проекты кысаларында бушлай үткәрелә.

“Сәламәтлекне саклауның иң яхшы ысулы – диспансеризацияне һәм профилактик медицина тикшерүләрен вакытында узу”, - дип кисәтә  Лениногорск үзәк район хастаханәсенең гомуми практика табиблары кабинеты мөдире Александр Циберкин.
  
-     Кемнәр диспансеризация үтә ала?
-    Диспансеризацияне мәҗбүри медицина иминияте (ОМС) полисы һәм Россия Федерациясе паспорты булган һәр балигъ граждан уза ала. Периодиклык яшькә бәйле: 18 яшьтән 39 яшькә кадәрге гражданнар — өч елга бер тапкыр, ә 40 яшьтән соң  ел саен үтә.

-    2026 елда кайсы елгы гражданнар диспансеризация үтә ала?

-    2026 елда 2008, 2005, 2002, 1999, 1996, 1993, 1990 һәм 1987 елларда туган гражданнар диспансеризация үтә ала. Калганнар профилактик медицина каравы уза ала.

-    Шәһәр һәм район халкы диспансеризацияне кайда үтергә мөмкин?

-    Тикшерүне Лениногорск үзәк район хастаханәсенең поликлиникасында,  авылларда фельдшер-акушерлык пунктларында. Моннан тыш поликлиника табиблары хезмәт-эш урыннарына килеп тә диспансеризация уздырырга әзер. Предприятие-оешмалардан заявкалар кабул итәбез.

фото: ЦРБ