2024 елда Россиядә алкоголь, тәмәке һәм автомобильләргә акцизлар артачак

Аларның суммасы инфляция дәрәҗәсенә арттырылачак. Бу хакта Россия Финанс министрлыгы башлыгы урынбасары Алексей Сазановка сылтама белән ТАСС хәбәр итә.

Салым кодексына тиешле төзәтмә Дәүләт Думасының бюджет һәм салымнар комитеты тарафыннан икенче укылышта хупланган.

«Акциз ставкалары Икътисад министрлыгы фаразлары буенча инфляция дәрәҗәсенә индексацияләнә. 2024 елда 5 процент, 2025 елда 4 процент, 2026 елда 4 процентка», - дип аңлатты министр урынбасары.

https://tatar-inform.tatar/news/2024-elda-rossiyada-alkogol-tamake-ham-avtomobillarga-akcizlar-artacak-5873718

фото: https://tatar-inform.tatar/