Самокатта хәрәкәт итүче ике баланы машина бәрдергән

Беренче очрак республиканың Питрәч районында булган. Биредә самокатта юл аркылы чыгып барган 12 яшьлек баланы Volkswagen автомобиле бәрдергән. Төрле тән җәрәхәтләре алган малайны хастаханәгә китергәннәр, дип хәбәр иттеләр республика Дәүләт автоинспекциясеннән.

Икенче юл һәлакәте Баулы районында булган. Биредә Chevrolet автомобиле самокатта кинәт юлга атылып чыккан 7 яшьлек сабыйны таптаткан.

Төрле тән җәрәхәтләре алган әлеге баланы да медицина учреждениесенә озатканнар.

https://tatar-inform.tatar/news/tatarstanda-songy-taulekta-samokatta-xarakat-ituce-ike-balany-masina-bardergan-5857653

https://photo.tatar-inform.ru/