Шәһәрдәшләребез күңелендә 2018 ел нинди хәтирәләр калдырды икән

Минемчә, Һәрбер ана өчен балалар бәхете беренче тора. Аларның барысы да яхшы булса, безгә дә күңелле һәм рәхәт.  2018 елда иң истә калган һәм шатлыклы  вакыйгам, беренче чиратта,   улым Артур белән бәйле. Ниһаять, ул  үз тиңен тапты, Гөлнара белән никах укыттылар. Хәзер мин кызлы булдым.  2019 елга бары тик  якты өметләр баглап керәбез, Аллаһы Тәгалә   онык  насыйп итсен, дибез.  Газет укучыларга шатлыклы хәбәрләр, бәхетле көннәр узган елдагыдан да күбрәк булсын, күңелсезлекләр иске елда калсын, дип телим.