“Спутник V” вакцинасының ВИЧ-инфекцияле кешеләрне дәвалау нәтиҗәсе расланган

Тикшеренү нәтиҗәләре The Lancet медицина журналында дөнья күргән язмада китерелгән.
“ВИЧ йоктырган кешеләр өчен коронавируска каршы “Спутник V” вакцинасының нәтиҗәле булуы турында тәүге тапкыр фәнни мәгълүматлар басылып чыкты. Россиядә уйлап табылган вакцинаның әлеге категориядәге кешеләр өчен нәтиҗәсе, Мәскәүдә ВИЧ инфекцияле 24 меңнән артыграк кешенең мәгълүматларына ясалган анализ нигезендә,79 процент тәшкил итә”, – диелгән хәбәрдә.
Тикшеренү мәгълүматларыннан күренгәнчә, вакцина куллану чир йоктыручыларның 90 проценттан артыграгын хастаханәгә салудан котылып калуга ярдәм иткән һәм чирнең көчәюне булдырмыйча калган.
Хезмәт авторлары шулай ук “Спутник V” белән прививка ясатуның ВИЧ-инфекцияле кешеләр арасында коронавирус йоктыру куркынычын 2,5-3,3 тапкыр киметүен билгеләп үткән. Шуңа күрә препаратны уйлап табучылар, вакцина СПИДтан интегүчеләрнең сәламәтлеген саклау өчен иң яхшы препаратка әйләнергә мөмкин, дигән нәтиҗәгә килгән.
Бөтендөнья сәламәтлек саклау оешмасы мәгълүматларына караганда, ковид йоктырган ВИЧ-инфекцияле сырхауның һәр дүртесенең берсе вафат булган.

https://vatantat.ru/

https://pixabay.com/ru