Татарстан артистлары һәм блогерлары «Зур этнографик диктант» язачак

3 ноябрь көнне сәгать 11дә "Зур этнографик диктант"та катнашучылар өчен Татарстан Халыклар дуслыгы йортында зур оффлайн-мәйданчык булдырылачак. Әлеге мәгьлүматны ТР Халыклар дуслыгы йорты директоры Ирек Шәрипов җиткерде.

Шәрипов сүзләре буенча, мәйданчыкка танылган артист һәм блогерлар, башкаручылар, министрлык һәм ведомство, төрле җәмәгать оешмалары җитәкчеләре чакырылган.
Әлеге проект халыкның грамоталылыгын үстерү максатыннан үткәрелүче "Тоталь диктант«ның дәвамы булып тора, дип ассызыклады спикер.

«Зур этнографик диктант» 3-8 ноябрьдә онлайн-режимда үтәчәк.