Татарстан март аенда хезмәткәрләргә сорау күләме буенча Идел буе федераль округында беренче урынны алды

hh.ru аналитиклары республиканың хезмәт базарында айга йомгак ясаганнан соң  шундый нәтиҗәгә килгән.

Соңгы айда Татарстанда 23,3 меңнән артык вакансия ачылган, бу Идел буе федераль округында эшләү тәкъдимнәренең 18%  тәшкил итә. 

Март аенда сату буенча менеджерлар (1,7 мең вакансия, тәкъдимнәрнең гомуми саныннан 9%), сатучы-консультантлар һәм кассирлар (1 меңнән артык вакансия, 5%), машина йөртүчеләр (3%), курьерлар (3%), бухгалтерлар (3%), табиблар (2%), пешекчеләр, икмәк пешерүчеләр һәм кондитерлар (2%), администраторлар (2%), төргәкләүчеләр һәм комплектлаучылар (2%), төрле эшчеләр (2%) аеруча кирәкле белгечләр булган.

Март нәтиҗәләре буенча Татарстанда уртача хезмәт хакы 81,5 мең сум тәшкил иткән, узган ел белән чагыштырганда 12% ка арткан.

татар-информ